0:00
/
1ܘܒܵܐܢܝܼ ܝܵܘܡܵܢܹ̈ܐ: ܟܲܕ ܡܸܢَܕܪܸܫَ ܟܸܢܫܵܐ ܪܵܒܵܐ ܐܝܼܬ ܗ݇ܘܵܘ: ܘܠܲܝܬ ܗ݇ܘܵܐ ܡܸܢܕܝܼ ܕܐܵܟ̣ܠܝܼ: ܩܪܹܐܠܹܗ ܠܬܲܠܡܝܼܕܘܼ̈ܗܝ ܘܐَܡܝܼܪܹܗ ܐܸܠܵܝܗܝ. 2ܪܵܚܘܿܡܹܐ ܝܘܸܢ ܥܲܠ ܕܐܵܗܵܐ ܟܸܢܫܵܐ: ܕܐܵܕܝܼܵܐ ܬܠܵܬَܐ ܝܵܘܡܵܢܹ̈ܐ ܥܘܼܪܩܸܠܗܘܿܢ ܠܟܸܣܠܝܼ: ܘܠܲܝܬ ܠܗ݇ܘܿܢ ܡܸܢܕܝܼ ܕܐܵܟ̣ܠܝܼ. 3ܘܐܸܢ ܫܵܕܪܸܢܘܿܢ ܟܲܕ ܨܝܼܡܹܐ ܠܒܵܬܵܝ̈ܗܝ: ܒܸܬ ܟܵܟ̰ܚܝܼ ܒܐܘܼܪܚܵܐ: ܘܐ݇ܢܵܫܹ̈ܐ ܡܸܢܵܝܗܝ ܡ̣ܢ ܪܸܚܩܵܐ ܐَܬܝܹܐ ܝܢܵܐ. 4ܘܓ̰ܘܼܘܸܒܠܗܘܿܢ ܐܸܠܹܗ ܬܲܠܡܝܼܕܘܼ̈ܗܝ: ܡܐܲܝܟܵܐ ܡܵܨܹܐ ܐ݇ܢܵܫܵܐ ܠܲܐܟ̣ܵܐ ܓܵܘ ܒܲܪܝܼܵܐ ܡܲܣܒܸܥ ܒܠܲܚܡܵܐ ܠܐܲܢܹܐ. 5ܘܗ̇ܘ ܒܘܼܩܸܪܹܗ ܡܸܢܵܝܗܝ: ܟܡܵܐ ܠܲܚܡܹ̈ܐ ܐܝܼܬ ܠܵܘܟ̣ܘܿܢ: ܐܵܡܪܝܼ ܐܸܠܹܗ: ܫܲܒ̣ܥܵܐ. 6ܘܦܘܼܩܸܕܠܹܗ ܠܟܸܢܫܹ̈ܐ ܠܸܬܝܵܒ̣ܵܐ ܥܲܠ ܐܲܪܥܵܐ. ܘܫܩܸܠܹܗ ܠܐܵܢܝܼ ܫܲܒ̣ܥܵܐ ܠܲܚܡܹ̈ܐ: ܘܒܘܼܪܸܟ̣ܠܹܗ: ܘܩܨܹܠܹܗ ܘܝܘܼܗَܒܼܸܠܹܗ ܠܬܲܠܡܝܼܕܘܼ̈ܗܝ ܕܡܲܬܒ̣ܝܼ ܗ݇ܘܵܘ. ܘܡܘܼܬܸܒ̣ܠܗܘܿܢ ܠܟܸܢܫܵܐ. 7ܘܐܝܼܬ ܗ݇ܘܵܘ ܚܲܕَܟ̰ܵܐ ܢܘܼܢܹ̈ܐ ܕܲܝܩܹ̈ܐ: ܘܒܘܼܪܟ̣ܵܝܠܹܗ: ܘܐَܡܝܼܪܹܗ ܕܡܲܬܒ̣ܝܼ ܐܘܼܦ ܠܐܵܢܝܼ. 8ܘܐَܟܼܸܠܗܘܿܢ ܘܣܒܹܥܠܗܘܿܢ: ܘܫܒܸܩܠܗܘܿܢ ܙܝܼܘܼܕܹ̈ܐ ܕܩܸܛܥܵܛܹ̈ܐ ܫܲܒ̣ܥܵܐ ܣܵܠܹ̈ܐ. 9ܘܐܵܢܝܼ ܕܐَܟܼܸܠܗܘܿܢ ܝܼܗ݇ܘܵܘ ܐܲܝܟܼ ܐܲܪܒܥܵܐ ܐܲܠܦܹ̈ܐ: ܘܫܘܼܕܪܵܝܠܹܗ. 10ܘܐ݇ܣܸܩܠܹܗ ܕܲܪܣܵܥܲܬ ܠܓܵܡܝܼ ܥܲܡ ܬܲܠܡܝܼܕܘܼ̈ܗܝ: ܘܐَܬܹܐܠܹܗ ܠܬܸܚܘܼܒܹ̈ܐ ܕܕܲܠܡܵܢܘܼܬܵܐ. 11ܘܦܠܸܛܠܗܘܿܢ ܦܪ̈ܝܼܫܹܐ ܘܫܘܼܪܹܠܗܘܿܢ ܠܸܕܪܵܫܵܐ ܥܲܡܹܗ: ܘܛܵܠܒܝܼ ܗ݇ܘܵܘ ܡܸܢܹܗ ܢܝܼܫܲܢܩܵܐ ܡ̣ܢ ܫܡܲܝܵܐ: ܟܲܕ ܓ̰ܵܪܘܿܒܹܗ. 12ܘܬܘܼܢܸܚܠܹܗ ܒܪܘܼܚܹܗ ܘܐَܡܝܼܪܹܗ: ܩܵܡܘܿܕܝܼ ܒܸܒܥܵܝܵܐ ܝ݇ܠܵܗ̇ ܢܝܼܫܲܢܩܵܐ ܐܵܗܵܐ ܐܘܼܓ̰ܵܓ̣: ܬܪܘܿܨܵܐ ܒܹܐܡܵܪܵܐ ܝܘܸܢ ܐܸܠܵܘܟ̣ܘܿܢ: ܕܠܹܐ ܦܵܐܹܫ ܝܘܼܗَܒ̣ܵܐ ܢܝܼܫܲܢܩܵܐ ܠܐܵܗܵܐ ܐܘܼܓ̰ܵܓ̣: 13ܘܫܒ̣ܝܼܩܵܝܠܹܗ: ܘܐ݇ܣܸܩܠܹܗ ܡܸܢَܕܪܸܫَ ܠܓܵܡܝܼ: ܘܐَܙܸܠܹܗ ܠܡܲܪܙܵܐ ܐ݇ܚܹܪ݇ܢܵܐ. 14ܘܢܫܹܠܗܘܿܢ ܕܫܵܩܠܝܼ ܗ݇ܘܵܘ ܠܲܚܡܵܐ: ܘܫܒ̣ܘܿܩ ܡ̣ܢ ܚܕܵܐ ܓܸܪܕܲܝܵܐ ܠܲܝܬ ܗ݇ܘܵܐ ܥܲܡܵܝܗܝ ܓܵܘ ܓܵܡܝܼ. 15ܘܦܩܝܼܕܵܝܠܹܗ ܘܐَܡܝܼܪܹܗ ܐܸܠܵܝܗܝ: ܚܙܹܝܡܘܿܢ: ܗَܘܹܝܡܘܿܢ ܗܸܫܝܵܪ ܡ̣ܢ ܚܡܝܼܪܵܐ ܕܦܪ̈ܝܼܫܹܐ: ܘܡ̣ܢ ܚܡܝܼܪܹܗ ܕܗܹܪܘܿܕܸܣ. 16ܘܒܸܚܫܵܒ̣ܵܐ ܗ݇ܘܵܘ ܚܲܕَ ܥܲܡ ܕܗ̇ܘ ܐ݇ܚܹܪ݇ܢܵܐ: ܒܹܐܡܵܪܵܐ: ܕܠܲܚܡܵܐ ܠܲܝܬ ܠܲܢ. 17ܐܝܼܢܵܐ ܝܼܫܘܿܥ ܝܕܸܥܠܹܗ: ܘܐَܡܝܼܪܹܗ ܐܸܠܵܝܗܝ: ܩܵܡܘܿܕܝܼ ܒܸܚܫܵܒ̣ܵܐ ܝܬܘܿܢ ܕܠܲܚܡܵܐ ܠܲܝܬ ܠܵܘܟ̣ܘܿܢ: ܗܲܠ ܐܵܕܝܼܵܐ ܠܹܐ ܝܬܘܿܢ ܒܝܼܕܵܥܝܵܐ: ܘܠܹܐ ܝܬܘܿܢ ܦܲܪܡܘܼܝܹܐ: ܗܵܠܵܐ ܠܸܒܵܐ ܩܸܫܝܵܐ ܐܝܼܬ ܠܵܘܟ̣ܘܿܢ. 18ܥܲܝܢܹ̈ܐ ܐܝܼܬ ܠܵܘܟ̣ܘܿܢ: ܘܠܹܐ ܝܬܘܿܢ ܒܸܚܙܵܝܵܐ: ܘܢܵܬܝܵܬܹ̈ܐ ܐܝܼܬ ܠܵܘܟ̣ܘܿܢ: ܘܠܹܐ ܝܬܘܿܢ ܒܸܫܡܲܥܝܵܐ: ܘܠܹܐ ܝܬܘܿܢ ܒܸܕܟ̣ܵܪܵܐ. 19ܟܲܕ ܐܵܢܝܼ ܚܲܡܫܵܐ ܠܲܚܡܹ̈ܐ ܩܸܨܠܝܼ ܩܵܐ ܚܲܡܫܵܐ ܐܲܠܦܹ̈ܐ: ܟܡܵܐ ܩܘܼܦܹ̈ܐ ܕܩܸܛܥܵܛܹ̈ܐ ܡܸܠܝܹ̈ܐ ܫܩܸܠܵܘܟ̣ܘܿܢ: ܐܵܡܪܝܼ ܐܸܠܹܗ: ܬܪܸܥܣܲܪ. 20ܘܟܲܕ ܫܲܒ̣ܥܵܐ ܩܵܐ ܐܲܪܒܥܵܐ ܐܲܠܦܹ̈ܐ: ܟܡܵܐ ܣܵܠܹ̈ܐ ܕܩܸܛܥܵܛܹ̈ܐ ܡܸܠܝܹ̈ܐ ܫܩܸܠܵܘܟ̣ܘܿܢ: ܐܵܡܪܝܼ: ܫܲܒ̣ܥܵܐ. 21ܘܐܵܡܸܪ ܐܸܠܵܝܗܝ: ܕܵܐܟ̣ܝܼ ܠܹܐ ܝܬܘܿܢ ܦܲܪܡܘܼܝܹܐ. 22ܘܐَܬܹܐܠܹܗ ܠܒܹܝܬ ܨܲܝܵܕܵܐ: ܘܡܘܼܬَܝܹܠܗܘܿܢ ܠܟܸܣܠܹܗ ܚܲܕَ ܣܸܡܝܵܐ: ܘܦܘܼܪܦܸܠܗܘܿܢ ܒܝܹܗ ܕܕܵܩܸܪ ܗ݇ܘܵܐ ܒܝܹܗ. 23ܘܕܒܸܩܠܹܐ ܒܐܝܼܕܹܗ ܕܣܸܡܝܵܐ ܘܦܘܼܠܸܛܠܹܗ ܠܒܲܕܲܪ ܡ̣ܢ ܡܵܬܵܐ: ܘܪܸܩܠܹܗ ܥܲܠ ܥܲܝܢܘ̈ܗܝ ܘܡܘܼܬܸܒ̣ܠܹܗ ܐܝܼܕܵܬܹ̈ܗ ܥܲܠܘܼܗܝ: ܘܒܘܼܩܸܪܹܗ ܕܐܸܢ ܡܸܢܕܝܼ ܒܸܚܙܵܝܵܐ ܗ݇ܘܵܐ. 24ܘܚܸܪܹܗ ܘܐَܡܝܼܪܹܗ: ܒܸܚܙܵܝܵܐ ܝܘܸܢ 25ܒܢܲܝ̈ܢܵܫܵܐ ܐܲܝܟܼ ܐܝܼܠܵܢܹ̈ܐ: ܒܸܚܕܵܪܵܐ. ܡܸܢَܕܪܸܫَ ܡܘܼܬܸܒ̣ܠܹܗ ܐܝܼܕܵܬܹ̈ܗ ܥܲܠ ܥܲܝܢܘܼ̈ܗܝ: ܘܚܸܪܹܗ: ܘܬܪܸܨܠܹܗ: ܘܚܙܹܐܠܹܗ ܟܠ ܡܸܢܕܝܼ ܨܸܦܝܵܐ. 26ܘܫܘܼܕܸܪܹܗ ܠܒܲܝܬܹܗ ܘܐَܡܝܼܪܹܗ: ܐܘܼܦ ܠܡܵܬܵܐ ܠܵܐ ܥܵܒܼܪܸܬ: ܘܠܵܐ ܐܵܡܪܸܬ ܠܐ݇ܢܵܫܵܐ ܓܵܘ ܡܵܬܵܐ. 27ܘܦܠܸܛܠܹܗ ܝܼܫܘܿܥ ܘܬܲܠܡܝܼܕܘܼ̈ܗܝ ܠܡܵܬܘܵܬܹ̈ܐ ܕܩܹܣܲܪܝܵܐ ܕܦܝܼܠܝܼܦܘܿܣ: ܘܒܵܩܸܪ ܗ݇ܘܵܐ ܡ̣ܢ ܬܲܠܡܝܼܕܘܼ̈ܗܝ ܒܐܘܼܪܚܵܐ: ܘܐܵܡܸܪ ܐܸܠܵܝܗܝ: ܡܵܢܝܼ ܒܹܐܡܵܪܵܐ ܝܢܵܐ ܥܲܠܝܼ ܐ݇ܢܵܫܹ̈ܐ: ܕܝܼܘܸܢ. 28ܘܐܵܢܝܼ ܐَܡܸܪܗܘܿܢ: ܝܘܿܚܲܢܵܢ ܡܲܥܡܕܵܢܵܐ: ܘܐ݇ܚܹܪ̈݇ܢܹܐ: ܐܹܠܝܼܵܐ: ܘܐ݇ܚܹܪ̈݇ܢܹܐ: ܚܲܕَ ܡ̣ܢ ܢܒ̣̈ܝܹܐ. 29ܘܒܘܼܩܸܪܹܗ ܡܸܢܵܝܗܝ ܗ̇ܘ: ܐܝܼܢܵܐ ܐܲܚܬܘܿܢ ܡܵܢܝܼ ܒܹܐܡܵܪܵܐ ܝܬܘܿܢ ܕܝܼܘܸܢ: ܓ̰ܘܼܘܸܒܠܹܗ ܟܹܐܦܵܐ ܘܐَܡܝܼܪܹܗ ܐܸܠܹܗ: ܐܲܢَܬ ܝܼܘܸܬ ܡܫܝܼܚܵܐ. 30ܘܢܓ̰ܸܘܠܹܗ ܒܝܼܵܝܗܝ: ܕܠܐ݇ܢܵܫܵܐ ܠܵܐ ܐܵܡܪܝܼ ܥܲܠܘܼܗܝ. 31ܘܫܘܼܪܹܐܠܹܗ ܠܡܵܠܘܿܦܵܝܗܝ ܕܘܵܓ̰ܸܒ ܝ݇ܠܵܗ̇ ܕܒܪܘܿܢܹܗ ܕܐ݇ܢܵܫܵܐ ܩܵܒܸ̇ܠ ܚܲܫܵܐ ܪܵܒܵܐ: ܘܕܦܵܐܹܫ ܡܘܼܣܠܝܼܵܐ ܡ̣ܢ ܚܘܵܪ̈ܕܸܩܢܹܐ: ܘܡ̣ܢ ܓܘܼܪ̈ܵܢܹܐ ܕܟܵܗܢܹ̈ܐ: ܘܡ̣ܢ ܣܵܦܪܹ̈ܐ: ܘܕܦܵܐܹܫ ܩܛܝܼܠܵܐ: ܘܒܵܬَܪ ܬܠܵܬَܐ ܝܵܘܡܵܢܹ̈ܐ ܩܵܝܸܡ. 32ܘܒܐܸܫܟܵܪܵܐ ܗ̇ܝ ܗܹܡܸܙܡܵܢ ܗܘܼܡܙܸܡܠܹܗ. ܘܠܘܼܒܸܠܹܗ ܟܹܐܦܵܐ: ܘܫܘܼܪܹܐܠܹܗ ܠܸܢܓ̰ܵܘܵܐ ܒܝܹܗ. 33ܐܝܼܢܵܐ ܗ̇ܘ ܕܸܪܹܗ ܘܚܸܪܹܗ ܒܬܲܠܡܝܼܕܘܼ̈ܗܝ: ܘܢܓ̰ܸܘܠܹܐ ܒܟܹܐܦܵܐ: ܘܐَܡܝܼܪܹܗ: ܙܹܠَܐ ܠܘܼܟܼ ܠܵܒܵܬَܪܝܼ: ܣܵܛܵܢܵܐ: ܣܵܒܵܒ ܠܹܐ ܝܘܸܬ ܒܸܚܫܵܒ̣ܵܐ ܕܐܲܠܵܗܵܐ: ܐܸܠܵܐ ܕܒܢܲܝ̈ܢܵܫܵܐ. 34ܘܩܪܹܐܠܹܗ ܠܟܸܢܫܵܐ ܥܲܡ ܬܲܠܡܝܼܕܘܼ̈ܗܝ: ܘܐَܡܝܼܪܹܗ ܐܸܠܵܝܗܝ: ܡ̇ܢ ܕܒܵܣܡܵܐ ܠܹܗ ܕܐܵܬܹܐ ܒܵܬَܪܝܼ: ܟܵܦܸܪ ܒܓܵܢܹܗ: ܘܫܵܩܸܠ ܙܩܝܼܦܹܗ ܘܐܵܬܹܐ ܒܵܬَܪܝܼ. 35ܣܵܒܵܒ ܟܠ ܡ̇ܢ ܕܒܵܥܝܹܐ ܡܲܚܹܐ ܓܵܢܹܗ ܒܸܬ ܬܵܠܸܩ ܠܵܗ̇: ܘܟܠ ܕܬܵܠܸܩ ܓܵܢܹܗ ܒܚܵܬܸܪ ܕܝܼܝܼ ܘܕܡܲܫܚܲܕܬܝܼ: ܒܸܬ ܡܲܚܹܐ ܠܵܗ̇. 36ܣܵܒܵܒ ܡܘܼܕܝܼ ܦܲܝܕܵܐ ܟܹܐ ܗܵܘܹܐ ܠܒܲܪܢܵܫܵܐ: ܐܸܢ ܟܠܹܗ ܥܵܠܡܵܐ: ܩܵܢܹܐ: ܘܓܵܢܹܗ ܡܲܒܨܸܪ. 37ܝܲܢ ܡܘܼܕܝܼ ܒܸܬ ܝܵܗَܒܸܠ ܒܲܪܢܵܫܵܐ ܡܒܵܕܵܠ ܕܓܵܢܹܗ. 38ܣܵܒܵܒ ܟܠ ܕܢܵܚܸܦ ܒܝܼܝܼ ܘܒܗܹܡܸܙܡܵܢܝܼ̈ ܒܐܵܗܵܐ ܐܘܼܓ̰ܵܓ̣ ܚܲܛܵܝܬܵܐ ܘܓܲܝܵܪܬܵܐ: ܐܘܼܦ ܒܪܘܿܢܹܗ ܕܐ݇ܢܵܫܵܐ ܒܸܬ ܢܵܚܸܦ ܒܝܹܗ: ܐܝܼܡܲܢ ܕܐܵܬܹܐ ܒܚܸܩܪܵܐ ܕܒܵܒܹܗ ܥܲܡ ܡܲܠܲܐܟ̣ܘܼ̈ܗܝ ܩܲܕܝܼܫܹ̈ܐ.